• Басты бет
• Жаңалықтар

Жаңалықтар

• 29.04.2026 Халықаралық волонтерлер жылы аясында мектебіміздің оқушылары «Кітаптар ауруханасы» атты қайырымдылық акциясына белсенді түрде қатысты. Акция барысында оқушылар ескі, жыртылған кітаптарды жөндеп, оларға жаңа өмір сыйлады. Бұл бастама балалардың кітапқа деген сүйіспеншілігін арттырып қана қоймай, ұқыптылық пен жауапкершілікке тәрбиелейді. Әрбір жөнделген кітап — білімге жасалған қамқорлықтың жарқын көрінісі.
• 18.04.2026 17 сәуір күні мектебіміздің домбыра ансамблі сауда орталығының келушілерін өз өнерімен қуантты. Күйдің әсем әуені мен оқушылардың таланты баршаға көтеріңкі көңіл-күй сыйлады.
• 09.04.2026 2025 жылғы 24-25 қыркүйек күндері мектеп басшысы Дауленбаева Шынара Егинбаевна Қызылорда қаласында өткен IV Ұлттық қайырымдылық конференциясына «Жүйелі қайырымдылық: Тұрақтылық, серіктестік, мұра» тақырыбымен қатысты. Ұлттық қайырымдылық конференциясы – бұл еліміз бойынша «Қазақстан халқына» қорының қайырымдылық жұмыстарының нақты нәтижелерін көрсету және қорытындылау мақсатында жыл сайын өткізілетін алаң.
• 09.04.2026 26.12.2025 жылы қысқы демалыс күндері алдында Степногорск қаласы Заводской кентінің ПБ учаскелік инспекторы, полиция капитаны Еслямбек А.К., «Заводской кентінің жалпы білім беретін мектебі» КММ 8-11 сынып оқушыларына дәріс өткізді. Кездесу барысында балалар қылмысы, жол ережелері, көлік басқару, темекі шегудің және есірткі заттарын қолданудың зияны, сондай-ақ 18 жасқа толмағандардың 23:00-ден кейін ересектерсіз болмауының маңыздылығы талқыланды. Басшының ТЖ бойынша орынбасары А.Мухамедрахимова.
• 09.04.2026 Халықаралық волонтерлық жыл аясында 2026 жылғы 9 сәуір күні біздің мектепте «Гүл отырғызу» акциясы ұйымдастырылды. 6-сынып оқушылары биология пәні мұғалімі Каримова Г.К. басшылығымен сыныпта гүл отырғызды. Оқушылар өсімдіктерге күтім жасайды, ал күн жылығанда мектеп алаңын гүлдермен безендіреді. Бұл шара балаларға табиғатты сүюді, қамқорлықты және командалық жұмыс дағдыларын дамытуға мүмкіндік береді.
• 03.04.2026 Халықаралық волонтерлер жылы аясында мектебіміздің оқушылары «Пластик жинау» акциясына қатысты. Оқушылар аумақтарды тазалап, пластик қалдықтарды жинап, табиғатты қорғауға өз үлестерін қосты. Табиғатты бірге қорғайық!
• 02.04.2026 "Заводской кентінің жалпы білім беретін мектебі"КММ 3 "А" сынып Тақырыбы: "Құстар - қанатты досымыз" сынып сағаты өтті Сынып жетекшісі: Алпыспаева Ж.Е.
• 22.03.2026 2026 жылғы 21 наурыз күні Астраханка кентінде ұлдар мен қыздар арасында бокстан аудандық турнир өтті. Біздің кентіміздің намысын 7 спортшы қорғады. Жарысқа 7 команда қатысты. Спортшыларымыз жоғары дайындықтарын көрсетіп, табандылық пен жеңіске деген жігер танытып, жақсы нәтижелерге қол жеткізді: 5 финалист, 4 чемпион және 2 қола жүлдегер.
• 19.03.2026 Наурыз мерекесіне орай ұйымдастырылған «Ұлттық киім» күні аясында Заводской кентінің полиция қызметкерлері мектеп ұжымымен кездесу өткізді. Кездесу барысында оқушылардың қауіпсіздігі, оқушылардың демалыс уақыттағы сақтық шаралары және ғаламтор желісіндегі алаяқтықтың алдын алу тақырыптарында мазмұнды дәріс оқылды. Іс-шара тәрбиелік мәні зор, мазмұнды әрі пайдалы өтті.
• 19.03.2026 Наурыз мерекесіне орай 3 сыныптардың сынып жетекшілері ұйымдастырған «Ұлттық спорт күні» өтті. Оқушылар түрлі ұлттық ойындар ойнап, көңілді уақыт өткізді. Іс-шара белсенділікке, достыққа және командалық рухқа баули отырып, мерекелік көңіл-күй сыйлады.